Оттаму велат дека  еднаш објавена информација  на интернет останува засекогаш јавна, мора да бидеме свесни за ова пред да го објавиме нашите податоци на интернет.

Елена Стојановска од Агенцијата вели дека нивниот совет до луѓето што го користа овој социјален сајт е темелно да ги читаат политиките на приватност.

“Нашиот совет секогаш е да се читаат темелно полтиките на приватност. Секој веб сајт, секоја ваква социјална мрежа има своја политика на приватност,и тргнувајќи од тука ќе одлучиме дали ќе оставиме свои податоци таму или не. Конкретно за фејсбук,  кој кај нас е најактуелен по број на пријавени случаии, обезбедува добра политика на приватност и добри постапки, значи точно може да се ограничи пристапот до одредени информации, меѓутоа многу малку луѓе тоа го прават. Проблемите настануваат кога ќе оставиме се отворено, тука настануваат проблемите. Апсолутно внимание што се остава на тие портали, не може да се остави мобилен телефонски, број, матичен број, домашна адреса, тоа се податоци со обем што е поголем со она што е потребно да се оствари целта на тие социјални мрежи. Треба да бидеме свесни дека секој може да ги преземе тие податоци“, објасни Стојановска.

На денешниот Отворен ден  се до 14 часот во ЕУ Инфо центарот, Скопје, посетителите кои беа ретки генерално се жалеле на поставени системи за видеонадзор за кои се сомневаат дека може повеќе да им навлегуваат во нивната приватност. 

“Има случаи каде камери се поставуваат и во работни простории, кои не секога регистрираат само движење, туку се случува да следат и  работа на вработените. Дирекцијата препорачува камерите да бидат поставени на таков начин на кој што нема да загрозуваат никаква приватност“, рече Стојановска.